我哋係COLLAR丨Day爆喊未入女團日做兩份工 網民評節目悶：玩遊戲快啲入屋

女子組合COLLAR出道4個月，首個真人騷節目《我哋係COLLAR》，已於昨晚首播，紀錄了8位成員沈貞巧（Gao）、王家晴（Candy）、許軼（Day）、蘇雅琳（Ivy）、邱彥筒（Marf）、蘇芷晴（So Ching）、李芯駖（Sumling）和陳泳伽（Winka）的心路歷程。

同場加映：林明禎聽日32歲生日狂收蛋糕 廣告接唔停 已計劃全家去旅行

{{hket:ul-video id="5871"}}{{/hket:ul-video}}

{{hket:inline-image name="5.JPG"}}{{/hket:inline-image}}

ViuTV節目《我哋係COLLAR》昨晚首播，回想這段日子，Day表示：「喺未來，我哋8個人會一齊行呢條路，無論好定壞。」而Candy則說：「我一直覺得自己好幸運，我所有發生嘅嘢，我都喺度諗緊係咪一場夢。」

回帶至去年12月25日《全民造星IV》決賽，亦是女團誕生的重要關卡，當時20位參賽者做了一場，相信是她們至今最難忘的一次表演，Gao說：「一路Foul人嘅時候，我已經覺得要帶埋大家嘅信念，同埋佢哋嘅努力，喺台上話畀大家聽我哋B組嘅信念。」Marf表示：「我想做一個自己最開心、最鍾意、最舒服嘅舞台就可以㗎喇，咩結果都好，我都唔會覺得有任何嘅可惜。」

我哋係COLLAR丨COLLAR首個真人騷剖析成員真面目 Gao爆Winka沖涼沖得最耐【下一頁】
結果，Marf奪得冠軍，Gao獲得亞軍，Day則得到季軍，Day一邊拭淚一邊說：「我16歲嗰陣同自己講過，就係畀3年時間自己，如果做唔到就老老實實做番個平凡人，唔好發明星夢，因為我嘅家境唔係好好。我知道媽咪好辛苦，所以我一直都做兩份工，朝早返完工，之後就去跳舞，夜晚做另一份工，覺得好難捱，但我冇諗過自己可以入到女團，嗚......真係唔好放棄夢想，因為真係會成真，所以我覺得好感動。」看到自己當時的一席話，Day指自己情緒化，加上決賽的一晚，實在太累，根本不知道自己說了甚麼。

爆谷一周丨COLLAR疫情下慘成「虛擬偶像」 Marf認未感受到做藝人感覺【下一頁】
COLLAR經理人Wing（戴穎）在節目中透露，她與花姐及幾位高層開會6小時，本暫定COLLAR成員為7位，不過在Wing極力爭取下，最終令COLLAR成為8人組合。8位成員收到通知後，陸續返回公司簽約。Marf是最後回到公司的一位，她看到其他成員都用外套遮遮掩掩，就開始估有哪位成員。當她還以為Sumling無份時，Sumling突然起身，Marf見到對方，頓時眼濕濕，並上前攬住Sumling，Marf說：「好不可思議，有一種『你得咗喇』，嗰種爭氣嘅感覺。」Sumling坦言知道自己有份入女團而感到愕然，本認為公司不會簽她，「我都覺得呢個年紀唔係好Work。」Wing指Sumling是尾二能夠入團的人選，她覺得COLLAR是一班新世代的女生，要創新的話，就要對抗框架，年齡就是框架之一。Wing直認花最多時間去討論Ivy，因有人認為她不漂亮、唱歌、跳舞又未夠班，但Wing則有另一個想法，指Ivy人氣好高，支持者又多，大讚她是明星的美，認為她應有一席位。在今年1月12日，終於見證COLLAR成軍的日子，Wing坦言十分感動，「全港觀眾見證呢個女團誕生，自己都好自豪。」

Stephen．傾丨COLLAR講舊時Winka突然落淚 Candy自爆想選香港小姐因乜縮沙？【下一頁】

{{hket:inline-image name="200.JPG"}}{{/hket:inline-image}}

節目播出後，當然有讚亦有彈，有網民在ViuTV Facebook留言：「呢個節目麻麻哋，唔識COLLAR嘅觀眾會覺悶悶哋。如果好似MIRROR GO咁畀COLLAR 8女一齊玩吓遊戲會快啲入屋。」有網民就回：「第一集回顧出道過程啫，而且MIRROR唔係靠MIRROR GO入屋」、「播完啦咩？咁快有定論？」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】